Воскресенье, 14 августа
Shadow

Աշխարհի ամենաները. ամենահին արևապաշտպան ակնոցը

Ինչքան էլ զարմանալի հնչի, բայց աշխարհի առաջին արևային ակնոցը  օգտագործվել է ոչ թե աշխարհի ամենաշոգ երկրներում, որտեղ արևն այրում է , այլ Հյուսիսի ծայրամասային շրջաններում:

Էսկիմոսները և մյուս ժողովուրդները լավ գիտեին, թե ինչ է ձնային կուրությունը: Գարնանը արևի լույսի ինտենսիվությունը բարձրանում է, և ձյունը շատ լավ անդրադարձնում է արևի շողերը: Պատկերացրեք՝ ինչի՞ նման կլինի, ասենք, Արկտիկայում չպաշտպանված աչքերով ձյան անծայրածիր ծովին նայելը:

Ուստի այդ պայմաններում ապրող ժողովուրդները արևային լույսից պաշտպանվելու տարբերակներ պետք է գտնեին: Լույսը խավարեցնող ժամանակակից միջոցներից զուրկ լինելով՝ նրանք հայտնագործեցին աչքի համար արևի լույսի ինտենսիվությունը նվազեցնող հարմարանք:  Իսկ այդ հարմարանքը  աչքերի համար նեղ բացվածքով ակնոցն էր: Այսպիսի ակնոցը, իհարկե, այն կրողի տեսադաշտը հասցնում էր նվազագույնի, բայց որ ամենակարևորն է, այն հնարավորություն էր տալիս ճանապարհ գնալ անգամ կուրացնող արևի դեպքում:

Նման ակնոցը սովորաբար պատրաստվում էր փայտից կամ կենդանու ոսկորից: Այս տիպի ամենահին ակնոցը պեղվել է Բերինգի ծովի մոտակայքում և ունի մոտ 2000 տարվա հնություն:

Добавить комментарий

Ваш адрес email не будет опубликован.