Четверг, 11 августа
Shadow

«Հաց» մակարոնով

Մի խելացի մարդ ասել է. «Տատիկը միակ մարդն է, ում համար դու միշտ նիհար ես»: Այդ իսկ պատճառով մեր մանկության փմբլիկ տարիներ համար շնորհակալություն տատիկներին: Հիմա ձեր ուշադրությանն ենք ուզում ներկայացնել մի ուտեստ, որը, ճիշտ է, ունի բարձր կալորիականություն, բայց համը, միևնույնն է, չի կարող ձեզ անտարբեր թողնել:  Ուտեստը կոչվում է «Հաց» մակարոնից:

Այն պատրաստելու համար ձեզ անհրաժեշտ կլինեն.

  • Մակարոն -300գ
  • Շվեյցարական պանիր – 100գ
  • Ապխտած միս – 150գ
  • Շամպինիոն – 250գ
  • Կարագ – 80գ
  • Թթվասեր – 150գ
  • Հավկիթ – 6 հատ
  • Ընկույզ
  • Սև պղպեղ, աղ

Ուտեստի պատրաստման եղանակը հետևյալն է.

Եռացող, աղով համեմված ջրում եփել մակարոնը: Ջուրը փաթել, մակարոնը լցնել մաղի մեջ, թողնել քամվի: Առանձնացնել հավկիթի դեղնուցը սպիտակուցից: Մակարոնին միացնել հարած հավկիթի դեղնուցը, քերիչով անցկացրած պանիրը, մանր կտրատած ապխտած միսը, շամպինիոնների մի մասը: Զանգվածը համեմել աղով, սև պղպեղով: Այնուհետև ավելացնել խիտ հարած սպիտակուցը և լավ խառնել: Զանգվածը տեղադրել յուղով պատած տապակի մեջ և 1,5 ժամ տեղադրել այն եռացող ջրի գոլորշու վրա: Այդ ընթացքում պետք է պատրաստել խյուս: Խյուսի համար 10 րոպե պետք է յուղով պատակել սնկի մնացած մասը, համեմել աղով, սև պղպեղով, ապա ավելացնել թթվասերը և լավ խառնել:

«Հացը» մատուցելիս վրան տարածել պատրաստած խյուսը, մանրացրած ընկույզը:

Добавить комментарий

Ваш адрес email не будет опубликован.